شیورام پارک علاقہ میں شوہر اور بیوی کے درمیان جھگڑے کے بعد بے رحم شوہر نے مبینہ طور پر بیوی اور دو بچوں کا قتل کرکے فرار ہوگیا۔ پولیس نے قتل کا مقدمہ درج کرکے تفتیش کا آغاز کردیا ہے۔
اطلاعات کے مطابق صبح ساڑھے گیارہ بجے ایک مکان میں دو بچوں اور ایک خاتون کی لاش پائی گئی جبکہ مہلوکین کی شناخت 28 سالہ پریتی اور اس کے 9 سالہ بیٹے و 5 سالہ بیٹی کی حیثیت سے کی گئی۔
بیوی کے ساتھ جھگڑے کے بعد شوہر نے بیوی سمیت دو بچوں کو موت کے گھاٹ اتار دیا، بتایا جارہا ہے کہ میاں اور بیوی میں گذشتہ کچھ دنوں سے جھگڑا جاری تھا جبکہ آج صبح گیارہ بجے دونوں کے درمیان تازہ جھگڑا ہوا تھا جس کے بعد بے رحم شوہر نے بیوی اور دو معصوم بچوں کا بے دردی سے قبل کردیا اور موقع سے فرار ہوگیا۔
ٹریپل قتل کی واردات کے بعد پولیس کے اعلیٰ عہدیدار بھی موقع پر پہنچے گئے۔ تینوں لاشوں کو پوسٹ مارٹم کےلیے بھیجا گیا۔ قتل کا مقدمہ درج کرکے ملزم شوہر کی تلاش کی جارہی ہے۔
