اس سلسلے میں مقامی افراد نے ڈپٹی کمشنر کے یہاں تحریری شکایت درج کی ہے۔
اپنی شکایت میں انہوں نے کہا کہ 'جامع مسجد کا اردو پارک رین بسیروں کے لیے مختص کر دی گئی ہے۔
انہوں نے مزید کہا کہ اس جگہ پر غیر سماجی عناصر کی زیادہ آمد و رفت ہے۔ جس سے پارک کی خوبصورتی پوری طرح سے ختم ہوگئی ہے۔
یہ پارک جامع مسجد کے علاقے میں رہنے والے بچوں کے کھیلنے کودنے کے لیے تھا لیکن یہاں کوڑا کرکٹ اور غلاظت کا ڈھیر لگا ہے۔
انہوں نے کہا کہ بیت-الخلا کو باہر میٹرو کے پاس بنایا جانا چاہیے تھا کیونکہ اس کی وہاں زیادہ ضرورت ہے۔
ان کی شکایت یہ ہے کہ پارک کے درمیان میں بیت-الخلا بنایا جانا پارک کو بدرنگ کر رہا ہے۔
ذاکر حسین نے اپنی شکایت میں مطالبہ کیا ہے کہ اردو پارک سے بیت-الخلا کو ہٹایا جائے اور تاریخی جامع مسجد اور مینا بازار کی خوبصورتی کو واپس لانے کی کوشش کی جائے۔
انہوں نے بتایا کہ کسی زمانے میں یہ پارک بہت شاندار ہوا کرتا تھا لیکن اب یہ پارک گندگی کے ڈھیر کے ساتھ نشیڑیوں اور جواریوں کا اڈا بن ہوا ہے۔
