دارالحکومت دہلی کے شمالی ضلع کے سمے پور بادلی تھانہ علاقہ میں جیون پارک کالونی کا ایک خستہ حال مکان کا ایک حصہ گرگیا۔
یہ مکان کافی پرانا اور کافی خستہ حال ہے، اس مکان میں بڑی تعداد میں اہل خانہ کرایہ پر رہتے ہیں۔
آج صبح تقریباً 5 بجے مکان کے کنارے کا ایک حصہ گرگیا جس میں دوسری جانب تیسری منزل کے کمرے گرجانے سے رہنے والے مزدور دب گئے، ساتھ ہی اٹھارہ سال کی پونم کی ملبہ میں دبنے سے موت ہوگئی۔
فائربریگیڈ محکمہ پولیس اور ڈیجاسٹر کی ٹیم نے ملبے کو ہٹاکر فوراً زخمی کو باہر نکالا اور مقامی اسپتال میں داخل کرایا۔
فی الحال پولیس مکان مالک کے خلاف رپورٹ درج کرکے تفتیش کررہی ہے۔ موقع سے مکان مالک فرار ہے۔
واضح رہے کہ اس سے قبل بھی متعدد مقامات پر خستہ حال مکانات گرنے کے واقعات پیش آچکے ہیں ، لیکن انتظامیہ ان حادثات سے سبق نہیں لے رہی ہے اور آئے دن مکان گرنے کے واقعات رونما ہوتے رہتے ہیں۔
