مشرقی دہلی سے بی جے پی کے رکن پارلیمان پرویش صاحب سنگھ ورما نے دہلی کے لیفٹیننٹ گورنرانل بیجل کو ایک خط لکھ کر انہیں آگاہ کیا ہے کہ انکے پارلیمانی حلقہ اور دارالحکومت دہلی کے متعدد علاقوں میں سرکاری اراضی اور سڑکوں پر مساجد کی تعمیرات میں تیزی سے اضافہ ہو رہا ہے۔
ایل جی کو لکھے گئے خط میں کہا گیا ہے کہ اس طرح کی مساجد آمد و رفت میں پریشانی کا سبب بن رہی ہیں۔
انہوں نے امید ظاہر کی ہے کہ اس معاملے کو سنجیدگی سے لیا جائے گا اور اس پر جلد از جلد کاروائی کی جائے گی۔
وہیں اس معاملے پر ای ٹی وی بھارت نے دہلی کی فتح پوری مسجد کے شاہی امام ڈاکٹر مفتی مکرم احمد سے بات چیت کی، شاہی امام نے کہا کہ اس طرح کے بے بنیاد الزام عائد کرنا سرا سر غلط ہے اور دہلی میں کسی بھی سرکاری اراضی پر ایک بھی مسجد کی تعمیر نہیں ہوئی ہے۔
انہوں نے کہا کہ مسجد کی تعمیر کے لیے زمین کو خریدا جاتا ہے، غیر قانونی طریقے سے کسی بھی مسجد کی تعمیر نہیں کی جاتی۔
شاہی امام نے کہا کہ اگر پرویش صاحب سنگھ مساجد کا جائزہ لینا چاہتے ہیں تو انہیں مندروں کا بھی جائزہ لینا چاہئے کہ کہاں کہاں مندروں کی تعمیر ہوئی ہے'
