دہلی یونیورسٹی کے سینٹر فار پروفیشنل ڈویلپمنٹ ان ہائیر ایجوکیشن پروگرام میں 'راشٹر اور معاشرے کی تعمیر میں صحافت، میڈیا اور سنیما کے کردار' کے عنوان سے آج اپنے خطاب میں مرکزی وزیر مختار عباس نقوی نے کہا کہ حکومت، سیاست، سنیما اور صحافت معاشرے کے نازک دھاگے سے جڑے ہیں۔ ہمت، تحمل، احتیاط، عزم اور لگن سے ان تعلقات کو مستحکم کرنے کا 'جانچا۔ پرکھا۔ کھرا' منتر ہے۔
نقوی نے کہا کہ بحران کے وقت حکومت، معاشرہ، سنیما، 'چار جِسم ایک جان' کی حیثیت سے کام کرتے ہیں۔ تاریخ اس بات کی گواہ ہے کہ جب بھی آزادی سے پہلے یا بعد میں ملک میں کوئی بحران پیدا ہوا ہے، تو سب نے قومی مفاد اور انسانی فلاح و بہبود کے لئے اپنی۔اپنی ذمہ داری کو پورے خلوص کے ساتھ مشترکہ طور پرنبھائی ہے۔
نقوی نے کہا کہ کئی نسلوں نے صدیوں کے بعد بھی دنیا میں کورونا وبا جیسے چیلنج نہیں دیکھے ہیں۔ بہر حال ہم نے ایک پختہ معاشرے، حکومت، سنیما اور امن کا کردار ادا کرنے میں کوئی کمی نہیں چھوڑی، خاص طور پر ہندوستان میں ان طبقات نے "بحران کے حل" کا حصہ بننے میں اپنا کردار ادا کرنے کی کوشش کی۔
نقوی نے کہا کہ پچھلے 6 مہینوں میں حکومت، معاشرے، سنیما اور صحافت کے کرداروں، کام کرنے کے انداز اور عزم مصمم میں ایک انقلابی تبدیلی آئی ہے۔ تبدیلی اور بہتری کے لئے حالات پیدا نہیں کئے جاسکتے بلکہ یہ خود ہی رونما ہو جا تے ہیں۔ آج، معاشرے کے ہر طبقے کے طرز عمل اور طرز زندگی میں بڑی تبدیلیاں اس کا ثبوت ہیں۔
مرکزی وزیر نقوی نے کہا کہ کئی مہینوں سے اخبارکی اشاعت بند تھی، سنیما بڑی اسکرین کی بجائے چھوٹی اسکرین پردکھانا شروع ہوگئی، کچھ ممالک آن لائن خبروں کے عادی ہوچکے ہیں، لیکن ہندوستان کی بڑی آبادی جب تک صبح کی چائے کے ساتھ اخبار کے صفحات کو نہیں کھنگالتی تھی تب تک اسے دن بھر کا کوئی بھی ضروری کام ادھو را لگتا تھا، اس دوران بھی بیشتر ہندوستانیوں کو آن لائن خبریں مطمئن نہیں کرسکیں۔
نقوی نے کہا کہ یہی صورتحال سینما کی ہے، ٹیلی ویژن پر سنیما کی بھرمار ہے، ہر روز ایک نئی فلم یا ویب سیریز دیکھنے کو ملتی ہے، جس میں نہ ہی کہانی میں تخلیقی صلاحیت ہوتی ہے اور نہ ہی ہدایت میں کوئی نیا پن۔ آج بھی، ہندوستانی معاشرہ بڑے پرد ے کی، سبق سے بھرپور پیغامات اور تفریحی ماحول والی فلموں کا شوقین ہے۔ یعنی فلم اور میڈیا نہ صرف ہماری زندگی کا ایک اٹوٹ حصہ ہے، بلکہ اس میں معاشرے کو متاثر کرنے کی طاقت بھی ہے۔
انہوں نے مزید کہا کہ اس کورونا بحران کے وقت بھی لوگوں نے اگر مکمل نہیں تو بھی فلم-میڈیا کے نصف یا چوتھا ئی پر اکتفا کرلیا لیکن اس کو الوداع نہیں کہا۔ ہاں، الیکٹرانک اور ڈیجیٹل میڈیا کی شہرت ضرور رہی، یہ الگ بات ہے کہ ان چینلز یا ڈیجیٹل پلیٹ فارم سے زیادہ تر خبروں کی بجائے ہنگامہ آرائی اور خوفناک مسالہ فلمیں دکھانے پر زیادہ توجہ مرکوز تھی، ایک مثبت پیغام، جو لوگوں میں پہنچانا چاہئے تھا۔ وہ اس ذمہ داری پر پورے نہیں اترے۔
نقوی نے کہا کہ تاریخ گواہ ہے کہ چیلنجز کے وقت میڈیا سنیما ہمیشہ ایک بڑا اور اہم کردار ادا کرتا رہا ہے۔ 60 اور 70 کی دہائی میں جنگ کے دوران حب الوطنی کے جذبے سے بھرپور سنیما آج بھی لوگوں کے ذہنوں میں محفوظ ہے، اس دوران میڈیا کا حب الوطنی کا کردار موجودہ نسل کے لئے بھی مثالی ہے۔ "حقیقت"، "سات ہندوستانی"، " آکرمن "، "مدر انڈیا"، " پورب اور پچھم "، "نیا دور" جیسی فلمیں اب بھی قوم پرستی کا جنون رکھتی ہیں۔ "اے میرے وطن کے لوگو۔ ذرا آنکھوں میں بھر لو پانی "، " بھارت کا رہنے والا ہوں، بھارت کی بات سناتاہوں "، "یہ دیش ہے ویر جوانوں کا "، " کر چلے ہم فدا جان وتن ساتھیو "، " ہر کرم اپنا کریں گے اے وطن تیرے لئے "جیسے گانے آج کل ہر نسل کا پسندیدہ نغمہ ہے، ان کے گیت دیش بھکتی کے جذبے کو ہوا دیتی ہے۔
نقوی نے کہا کہ ملک کی تعمیر میں میڈیا کا کردار کسی بھی آئینی ادارہ سے زیادہ ہے۔ آج پرنٹ، الیکٹرانک اور ڈیجیٹل میڈ یا کی پہنچ ملک کی تقریباً 80 فیصد آبادی تک ہے۔ اخبارات، ٹیلی ویڑن، ریڈیو، ڈیجیٹل پلیٹ فارمز نے ملک کے دور دراز علاقوں تک معلومات کی توسیع میں جو کردار ادا کیا ہے وہ قابل تحسین ہے۔ ان کا دائرہ چوک - چوراہوں۔ چوپالوں، کھیت کی کھلیانوں، پہاڑوں اور جنگلات تک پھیلا ہوا ہے۔ ڈیجیٹل میڈیا نے بھی ہماری زندگیوں میں ایک دھماکے دار موجودگی درج کی ہے۔
نقوی نے کہا کہ میڈیا نہ صرف عوام کو مختلف معلومات سے آگاہ کرتا ہے بلکہ تعمیری تنقید کے ذریعے نظام کو اجاگر کرتا ہے۔
