'حکومت نے غریبوں کی زندگی مشکل میں ڈال دی'

بہوجن سماج پارٹی (بی ایس پی) کے رہنما اور لوک سبھا کے رکن پارلیمان کنور دانش علی نے کہا کہ کورونا وائرس سے جنگ میں حکومت نے ایسے حالات پیدا کر دیئے ہیں کہ جس سے غریبوں کا جینا مشکل ہو گیا ہے اور انہیں موت آسان لگنے لگی ہے۔

ریاست اترپردیش کے ضلع امروہہ سے رکن پارلیمان دانش علی نے ٹوئٹ کرکے کہا کہ ان کے پارلیمانی حلقہ کے ایک مزدور نے گھر واپس نہ آپانے کی وجہ سے حیدرآباد میں خودکشی کرلی ہے۔

انہوں نے کہا کہ ’امروہہ کے نوجوان شارق نے خودکشی کرلی کیونکہ وہ حیدرآباد میں پھنسا ہوا تھا اور لاکھ کوششوں کے باوجود واپس نہیں آسکا۔ ان حالات سے دوچار شارق جیسے ہزاروں نوجوان مختلف شہروں میں پھنسے ہوئے ہیں‘۔

رکن پارلیمان کنور دانش علی

انہوں نے کہا کہ حکومت نے ایسے حالات بنا دیئے ہیں، جہاں غریب مزدوروں کو زندگی مشکل اور موت آسان لگنے لگی ہے۔