دارالحکومت دہلی میں گزشتہ 24 گھنٹوں کے دوران پی سی آر نے دردزہ میں مبتلا 25 حاملہ خواتین کو مختلف اسپتالوں میں پہنچایا گیا۔
وہیں ڈی سی پی شرت سنہا کے مطابق دارالحکومت میں کورونا کی وجہ سے پبلک ٹرانسپورٹ سروس مکمل طور پر بند کردی گئی ہے۔ اس کی وجہ سے مریض اسپتال میں جانے کے لئے آٹو، ٹیکسیاں نہیں مل پا رہے ہیں۔ ایمبولینس پر بھی کافی دباؤ ہے۔ جس کے سبب تمام مریضوں کو ایمبولینس نہیں مل پا رہی ہے۔
لہذا پی سی آر ایسے مریضوں کی مسلسل مدد کر رہا ہے جن کو فوری طور پر اسپتال لے جانے کی ضرورت ہے۔ خاص طور پرحاملہ خواتین، دل کے دورے کے مریضوں اور دیگر سنگین مریضوں کو اسپتال لے جانے کی ذمہ داری پی سی آر کے ذریعہ انجام دی جارہی ہیں۔
ڈی سی پی شرت سنہا کے مطابق پی سی آر کے ذریعہ گزشتہ 24 گھنٹوں کے دوران 25 حاملہ خواتین کو مختلف اسپتالوں میں داخل کرایا گیا ہے۔
یہ خواتین دردزہ سے پریشان تھیں اور انہیں اسپتال جانے کے لئے کوئی بھی آٹو ٹیکسی نہیں مل رہی تھی۔ ان میں سے 10 کالز رات 11 بجے سے 5 بجے تک پی سی آر کو کالز موصول ہوئیں۔
کئی کالز ایسی تھی جن میں مریض کے گھر سے اسپتال تک فاصلہ 15 کلو میٹر سے زائد تھا۔ لیکن تمام کالز پر جاکر پی سی آر نے فوری طور پر خواتین کو ان اہلخانہ کے ساتھ اسپتال پہنچایا۔
