مرکزی حکومت کے نئے کاشتکاری قوانین کے خلاف دہلی میں سنگھو بارڈر پر احتجاجی کسانوں کو طبی خدمات فراہم کرنے والی ایک سماجی تنظیم نے ایک عارضی اسپتال قائم کیا ہے۔ کسانوں کو 24 گھنٹے طبی خدمات فراہم کرنےکےلیے اگلے دو دن میں اس اسپتال کو کھولا جائے گا۔
سماجی تنظیم لائف کیئر فاؤنڈیشن نے دہلی میں سنگھو بارڈر پر پریشان کسانوں کے لئے دو بستروں کا عارضی اسپتال قائم کرنے کا فیصلہ کیا ہے۔اگلے دو دن میں یہ اسپتال کسانوں کے لیے دستیاب رہے گا۔ یہاں تک کہ اگر بارش ہوجائے تب کسی بھی پریشانی سے کسانوں کو دور رکھنے کے لئے خیمے لگائے جائیں گے۔
احتجاج کرنے والے کسانوں کی خدمت کا عزم رکھنے والی مذکورہ تنظیم 30 نومبر سے 24 گھنٹے کی سہولت کے ساتھ وہاں ایک مفت طبی کیمپ چلا رہی ہے۔ مزید یہ کہ درجہ حرارت میں کمی کے ساتھ دل سے متعلق بیماریوں کی تعداد میں اضافہ ہوسکتا ہے۔ جس کے لئے ای سی جی کی سہولت بدھ سے شروع کی جائے گی۔
