بی جے پی کے ترجمان سمبت پاترا نے سوشل میڈیا پر وائرل ہو رہے ویڈیو کا ذکر کرتے ہوئے کہا کہ 'ملک کی آزادی کو ختم کرنے کے لیے شاہین باغ میں سازش رچی جا رہی ہے جس کے پختہ ثبوت ہمارے پاس ہیں۔
انہوں نے کہا کہ اس ویڈیو میں ایک مقرر لوگوں سے آسام کا ملک کے باقی حصوں سے رابطہ توڑنے کی اپیل کر رہا ہے۔
پاترا نے کہا کہ 'ویڈیو میں جس طرح سے ملک مخالف جذبات کو بھڑکایا گیا ہے وہ نہ صرف باعث تشویش ہے بلکہ ملک سے غداری بھی ہے، یہ اس بات کا ثبوت ہے کہ دہلی کا شاہین باغ 'دشاہین' (بے سمت) باغ میں تبدیل ہو چکا ہے۔
انہوں نے کہا کہ 'ویڈیو میں ملک کے ٹکڑے ٹکڑے کرنے کی بات کہی گئی ہے نیز آسام اور شمال مشرقی بھارت کو ملک سے علٰیحدہ کرنے کی سازش رچی جارہی ہے۔
بی جے پی کے ترجمان نے مزید کہا کہ 'ويڈیو میں ایک شخص کہتا ہوا دکھائی دے رہا ہے کہ بھارتی فوج کو شمال مشرقی بھارت میں داخل ہونے سے گریز کرنا چاہیے، آپ فوج کو آسام اور شمال مشرقی بھارت کی دیگر ریاستوں میں داخل ہونے سے کیوں روکنا چاہتے ہیں۔
