بھارتی نژاد امریکی فیڈرل کورٹ کے چیف جج مقرر

ممتاز بھارتی امریکی سری سری نواسن جنوبی ایشیا کے پہلے ایسے فرد ہیں جن کی فیڈرل سرکٹ کورٹ میں بحیثیت جج تقرری ہوئی ہے۔ انہوں نے یہ تاریخ رقم کی ہے جس سے ہر بھارتی شہری کو فخر ہوگا۔ فیڈرل کورٹ کو امریکی سپریم کورٹ کے بعد دوسرا اہم کورٹ مانا جاتا ہے۔

52 سالہ سری سری نواسن ڈی سی سرکٹ کورٹ کے چیف جج بنائے گئے ہیں۔

ایک پریس ریلیز میں کہا گیا ہے کہ سری سری نواسن جج میرک گارلینڈ کے عہدے پر فائز ہوئے جو 1997 سے ڈی سی سرکٹ کے ممبر اور 2013 سے چیف جج رہے ہیں۔

سری سری نواسن کو مئی 2013 میں کولمبیا سرکٹ ڈسٹرکٹ کے لیے امریکی عدالت میں مقرر کیا گیا تھا۔

سری سری نواسن پہلے بھارتی نژاد امریکی ہیں جنہیں امریکہ کی دوسری طاقت ور عدالت میں تقرری ملی ہے۔

امریکی فیڈرل کمیونی کیشن کمیشن کی چیئرپرسن اجیت پائی نے جسٹس سری سرینواسن کو ڈی سی سرکٹ کے لیے امریکی عدالت اپیل کے چیف جج بننے پر مبارکباد پیش کی۔