دہلی فساد معاملہ: دہلی پولیس نئی چارج شیٹ کرنے کی تیاری میں

دارالحکومت دہلی میں 2020 میں ہوئے فسادات کے دوران 50 سے زائد لوگوں کی موت ہو گئی تھی۔ اس معاملے کی جانچ دہلی پولیس کی اسپیشل سیل اور کرائم برانچ کر رہی ہے۔ پولیس نے متعدد خالصتان اور آئی ایس آئی سے منسلک ہونے کے الزام میں گرفتار کیا تھا اور اب ان کے خلاف چارج شیٹ داخل کرنے کی تیاری کر رہی ہے۔

جون 2020 میں دہلی پولیس کی اسپیشل سیل نے خالصتانی تنظیم سے منسلک ہونے کا دعوی کرتے ہوئے لو پریت سمیت دیگر کچھ افراد کو گرفتار کیا تھا۔ اب اسپیشل سیل اس معاملے میں ایک تفصیلی چارج شیٹ داخل کرنے کی تیاری کر رہی ہے۔

دہلی پولیس کا دعوی ہے کہ دہلی فسادات بھڑکانے میں خالصتان اور آئی ایس آئی ایجنٹوں کا بھی رول تھا۔

وہیں، ملزمین اور سماجی تنظیموں کا الزام ہے کہ پولیس غلط طریقے سے سی اے اے مخالف مظاہرین اور سماجی کارکنان کو نشانہ بنا رہی ہے جب کہ اصل قصوراروں کے خلاف کارروائی سے گریز کر رہی ہے۔