پارلیمنٹ کے مانسون سیشن سے قبل کانگریس کی صدر سونیا گاندھی نے لوک سبھا اور راجیہ سبھا کے لئے پارٹی ممبران پارلیمنٹ کے دو گروپوں کی تشکیل نو کی ہے۔ دونوں ایوانوں میں پارٹی کے نقطہ نظر کو برقرار رکھنے کے لئے ممبران پارلیمنٹ کو مختلف ذمہ داریاں دی گئی ہیں۔
ادھیر رنجن چودھری لوک سبھا میں کانگریس پارٹی کے رہنما ہوں گے اور گورو گوگوئی کو نائب رہنما بنایا گیا ہے۔ جبکہ کے سریش کو چیف وہپ مقرر کیا گیا ہے۔
وہیں راجیہ سبھا میں ملیکارجن کھڑگے کو کانگریس کے رہنما اور سینئر ممبر پارلیمنٹ آنند شرما کو نائب رہنما بنایا گیا ہے۔ جبکہ جیرام رمیش چیف وہپ ہوں گے۔
یہ بھی پڑھیں: All Party Meeting: کُل جماعتی اجلاس طلب
واضح رہے کہ مانسون سیشن 19 جولائی سے 13 اگست تک جاری رہے گا۔ موجودہ کووڈ 19 وبائی امراض کی دوسری لہر کے بعد یہ پہلا سیشن ہوگا۔ سیشن کا وقت صبح 11 بجے سے شام 6 بجے تک رہے گا۔
