ورکنگ کمیٹی کے جائزہ اجلاس کے بعد سونیا گاندھی نے پریس کانفرنس سے خطاب کرتے ہوئے دہلی فساد کےلیے مرکزی حکومت اور امت شاہ کو راست ذمہ دار قرار دیا۔
انہوں نے مزید کہا کہ دہلی فساد کی ذمہ داری قبول کرتے ہوئے مرکزی وزیر داخلہ امت شاہ کو فوری اپنے عہدہ سے استعفیٰ دینا چاہئے۔
سونیا گاندھی نے اروند کیجریوال پر بھی سخت تنقید کرتے ہوئے انہیں بھی دہلی فساد کا ذمہ دار بتایا۔
صدر کانگریس نے دہلی تشدد کو سونچی سمجھی سازش قرار دیا جبکہ انہوں نے بی جے پی پر انتخابات کے دوران بھی اسی طرح کے حالات پیدا کرنے کی کوشش کا الزام لگایا۔
انہوں نے کہا کہ دہلی انتخابات کے دوران بی جے پی کے رہنما نفرت اور فرقہ پرستی پر مبنی بیانات کے ذریعہ حالات بگاڑنے کی کوشش کر رہے تھے۔
انہوں نے بی جے پی کے رہنما کپل مشرا کا نام لئے بغیر انہیں فساد کا ذمہ دار ٹھہرایا اور کہا کہ ان کے متنازعہ بیان کے بعد ہی فساد پھوٹ پڑا۔
