قومی دارالحکومت دہلی میں وزیراعظم نریندر مودی نے آج کہا کہ ملک ایک غیر معمولی بحران نبردآزما ہے، اس لیے فی الحال اسے سماجی تنظیموں کی خدمات اور وسائل کی بہت ضروی ہے۔
مہلک وائرس 'کورونا' کے ملک میں مسلسل پھیلنے کے پیش نظر وزیراعظم نریندر مودی نے آج یہاں ویڈیو کانفرنس کے ذریعے اہم سماجی تنظیموں کے نمائندوں کے ساتھ اس غیر معمولی صورتحال سے نمٹنے کے طریقہ کار پر غور و خوض کیا۔
وزیر اعظم اس سے پہلے بھی ڈاکٹرز، صحافیوں، صنعتکاروں اور دیگر طبقات کے ساتھ موجودہ صورتحال میں تعاون کے لیے بات چیت کرچکے ہیں۔
وزیراعظم نے کہا کہ ملک ایک غیر معمولی بحران کے دور سے گزر رہا ہے اور اسے ان تنظیموں کی خدمات اور وسائل کی بہت سخت ضرورت ہے۔
سماجی تنظیموں کی خصوصیات کا ذکر کرتے ہوئے انہوں نے کہا کہ ان کا نقطہ نظر 'انسانیت' ہوتا ہے، رسائی وسیع تر ہوتی ہے اور جذبہ خدمت کے سبب عوام کا ان پر اعتماد ہوتا ہے۔
انہوں نے مشورہ دیا کہ ان خصوصیات کے سبب یہ تنظیم غریبوں کی بنیادی ضرورتوں کو پورا کرنے میں بہت اہم کردار ادا سکتی ہیں۔
انہوں نے مزید کہا کہ ساتھ ہی ان کی طبی سہولت اور رضاکار بھی مریضوں اور ضرورت مندوں کی مدد کرسکتے ہیں۔
انہوں نے کہا کہ ملک کو اس چیلنج سے نمٹنے کے لیے مختصر مدتی منصوبوں اور طویل مدتی نقطہ نظر کی ضرورت ہے۔
