قومی دارالحکومت نئی دہلی کے ہرکیش نگر میٹرو کے قریب واقع جھکی جھونپڑی میں آج علی الصباح آگ لگ گئی، آگ اتنی بھیانک تھی کہ دیکھتے ہی دیکھتے علاقے کی متعدد جھگیاں کو اپنی زد میں لے لیا۔
اطلاع کے مطابق تغلق آباد اسمبلی حلقہ کے ہرکیش نگر میٹرو کے قریب واقع جھگی بستی میں آج علی الصباح آگ لگ گئی، آگ لگنے کے بعد علاقے میں افراتفری مچ گئی۔ آگ کی وجوہات کا پتہ نہیں چل سکا ہے۔ اس کی اطلاع فوراً فائربریگیڈ محکمہ کو دی گئی۔
فائر برگیڈ کی چار گاڑیاں موقع پر پہنچ کر آگ بجھانے میں مصروف ہے تادم تحریر آگ پر قابو نہیں پایا جاسکا ہے۔
خبر لکھے جانے تک تقریباً دس جھگیاں جل کر خاکستر ہوچکی ہیں، البتہ کسی جانی نقصان کی اطلاع نہیں ہے۔
