دارالحکومت دہلی میں اسمبلی کی 70 سیٹوں پر آٹھ فروری کو انتخابات ہونے ہیں، اس مرتبہ عوام کی سہولیات کو پیش نظر رکھتے ہوئے 11 اسمبلی حلقوں میں پہلی بار کیو آر کوڈ والی پرچی جاری کی جائے گی۔
اس پرچی کے ذریعہ ووٹر گھر پیٹھے ہی یہ جان سکیں گے کہ ان کے پولینگ مرکز پر کتنی لمبی قطار ہے اور اب تک کتنے لوگ ووٹ ڈال چکے ہیں۔
وہیں چیف الیکشن کمیشن رنویر سنگھ نے کہا کہ پائلٹ پروجکٹ کے تحت اسے فلحال 11 اسمبلی حلقوں میں ہی نافذ کیا گیا ہے، جس کا مقصد انتخابات میں شفافیت اور ووٹرز کے لیے سہولیات پیدا کرنا۔
اس سلسلے میں چیف الیکشن کمیشن رنویر سنگھ نے کہا کہ جیسے ہی کوئی ووٹر ووٹنگ مرکز پر پہنچے گا اسے کیوآر کوڈ والی پرچی دکھانی پڑے گی جسے انتخابی عملہ اسے اپنے موبائل میں اسکین کریں گے۔
پرچی اسکین ہونے کے بعد ووٹر کی تمام معلومات کنٹرول روم میں پہنچ جائے گی اور یہ ڈیٹا بیس میں فیڈ ہو جائے گی کہ کتنے لوگوں نے ووٹ ڈالے۔
انہوں نے کہا کہ اس مرتبہ اس سہولیت کو صرف 11 اسمبلی حلقوں میں نافذ کیا گیا ہے اور امید ہے کہ آئندہ انتخابات میں اسے پوری طرح سے نافذ کیا جائے گا۔
