قومی دارالحکومت دہلی کے دوارکا میں واقع جھگی میں 17 برس کے بھائی نے اپنی بڑی بہن کی بڑی بے رحمی سے پٹائی کی یہاں تک کہ اس کی آنکھیں بھی پھوڑ دیں۔
دوارکا جھگی میں بہار کی رہنے والی 20 سالہ لڑکی اپنے چھوٹے بہن بھائیوں کے ساتھ رہتی ہے۔ اس کا ایک بھائی جو 17 برس کا ہے، روزانہ اس کے ساتھ مار پیٹ کرتا ہے۔ متاثرہ کی چھوٹی بہن نے بتایا کی جس دن بڑی بہن کے ساتھ مار پیٹ کی ٹھیک اس سے ایک دن پہلے میرے ساتھ بھی مار پیٹ کی تھی۔
اسی وقت دہلی خواتین کمیشن کے جانب سے ڈور ٹو ڈور مہم چلائی جارہی ہے۔ جس میں خواتین کی سکیوریٹی کی تفتیش کی جارہی ہے۔
اسی دوران جب ٹیم دوارکا جھگی علاقے میں پہنچی تو وہاں پر انہیں ایک لڑکی کی چیخنے کی آواز سنائی دی خواتین کمیشن کی ٹیم اس کے گھر گئی تو دیکھا ایک لڑکی خون میں لت پت ہے اور اس کا چہرا بری طرح سوجا ہوا ہے۔ اسے سفدرگنج ہسپتال لے جایا گیا جہاں اس کا علاج جاری ہے۔
اس کے بھائی کے خلاف پولیس اسٹیشن میں مقدمہ درج کرایا گیا ہے۔
