نوئیڈا کے فیز 3 تھانہ علاقہ میں کھیت کی رکھوالی کرنے والے بزرگ کی چند نوجوانوں نے بے رحمی سے پٹائی کی تھی جس سے وہ شدید زخمی ہوئے تھے اور علاج کے لیے انھیں اسپتال میں داخل کرایا گیا تھا جہاں ان کی حالت نازک بتائی جارہی ہے۔اس واردات کو لے کر لوگوں نے پولیس اسٹیشن کا گھیراؤ کیا اور ملزمین کو گرفتار کرنے کا مطالبہ کیا۔
پولیس اسٹیشن کا گھیراؤ
متاثر کے رشتہ داروں کا کہنا ہے کہ انہوں نے ایک ملزم کو پکڑ کر پولیس کے حوالے بھی کیا تھا لیکن کئی دن گزرنے کے بعد بھی بقیہ ملزمین کو گرفتار نہیں کیا گیا جس سے ناراض ہوکر گاؤں کے لوگوں نے پولیس اسٹیشن کا گھیراؤ کرتے ہوئے خوب ہنگامہ کیا اور ملزمین کی جلد از جلد گرفتاری کا مطالبہ کیا۔
گاؤں والوں کا کہنا ہے کہ پولیس اس معاملے میں سست روی سے کام لے رہی ہے جس کی وجہ سے ملزمین آزاد گھوم رہے ہیں۔
