شکتی کپور نے مہاجر مزدوروں کے لئے گایا نغمہ

بالی وڈ کے مشہور کریکٹر ایکٹر شکتی کپور نے لاک ڈاؤن کے درمیان اپنے گھروں سے دور مہاجر مزدوروں کی پریشانی کے پیش نظر ایک جذباتی نغمہ گایا ہے۔

کورونا وائرس کی وجہ سے ملک میں لاک ڈاؤن ہے۔ لاک ڈاؤن کا سب سے زیادہ اثر مہاجر مزدوروں پر پڑا ہے۔ شکتی نے ان مزدوروں کی پریشانی پر ایک جذباتی نغمہ گایا ہے۔

شکتی کپور کے اس گانے کے بول ہیں ’’مجھے گھر جانا ہے‘ انہوں نے اس نغمہ کو گاتے ہوئے کہا ’’آیا تو تھا دھن کمانے لیکن اس شہر میں مجھے دکھ ہی دکھ ملے ، اب مجھے اس شہر میں نہیں رہنا ہے ، مجھے گھر ہے جانا، گانے کے اختتام پر وہ کہتے ہیں کہ میری حکومت سے گزارش ہے کہ مجھے گھر ہے جانا‘‘۔

شکتی کپور نے حکومت سے کہا کہ کسی بھی طرح سے ان کا پیدل جانا بند کروائیے۔ انہیں کھانا دیجئے تاکہ وہ سکون سے سوسکیں۔ انہوں نے کہا کہ یہ لوگ گھر پہنچنے کے چکر میں اپنی جانیں دے رہے ہیں ، ہم سب لوگ انہیں سمجھائیں گے لیکن ابھی انہیں آپ کھانا دیجئے، رہنے کی جگہ دیجئے۔

امیر لوگوں کو تو دو وقت کی روٹی آسانی سے مل رہی ہے، رہنے کی جگہ ہے لیکن ان کا کیا۔ شکتی کپور پھر کہتے ہیں کہ مجھے گھر جانا ہے ، مجھے گھر جانا ہے‘‘۔