ادت راج نے گزشتہ اتوار کو دارالحکومت دہلی کے جواہر لعل نہرو یونیورسٹی کے ہاسٹل میں ہونے والے تشدد کی بھی مذمت کی اور کہا کہ 'یہ تشدد بی جے پی رہنماؤں کی موجودگی میں کیا گیا تھا۔'
بی جے پی پر اس پورے معاملے کا الزام لگاتے ہوئے ادت راج نے کہا کہ 'جواہر لعل نہرو یونیورسٹی میں غریب طلبا کو تعلیم دے کر ایک بہتر انسان بنایا جاتا ہے اور یہ حکومت نہیں چاہتی ہے کہ پسماندہ طبقات اور غریب طلبا تعلیم حاصل کریں۔'
اُدِت راج نے جے این یو طلبا کی حمایت کی
واضح رہے کہ گزشتہ روز منڈی ہاؤس سے وزارت انسانی وسائل کے دفتر تک ریلی نکالی گئی۔
اس احتجاج میں جواہر لعل نہرو یونیورسٹی کے وائس چانسلر ایم جگدیش کمار کو عہدے سے ہٹانے، بڑھتی ہوئی فیس کو واپس لینے اور ہاسٹل میں ہوئے تشدد کے ملزم کو جلد از جلد سزا دلانے کی مانگ کی گئی۔
