نئی دہلی: سپریم کورٹ محمد فیضل پی پی کی لکشدیپ پارلیمانی حلقہ کی رکنیت بحال کرنے میں لوک سبھا سکریٹریٹ کی طرف سے مبینہ تاخیر کے خلاف ان کی درخواست پر منگل یعنی 28 مارچ کو سماعت کرے گا۔ درخواست گزار محمد فیضل کو 11 جنوری 2023 کو اقدام قتل کے مقدمے میں جرم ثابت ہونے پر 10 سال قید کی سزا سنائی گئی تھی۔ اس کے بعد 13 جنوری کو ان کی رکنیت منسوخ کر دی گئی تھی۔ تاہم، 25 جنوری کو ان کی سزا پر روک لگادی گئی تھی۔ سینئر ایڈووکیٹ اے کے ایم سنگھوی نے عرضی گزار کی طرف سے چیف جسٹس ڈی وائی چندرچوڑ کی سربراہی والی بنچ کے سامنے پیش ہوکر اس معاملے پر جلد سماعت کی درخواست کی۔ ان کے 'خصوصی پیٹیشن کا نوٹس لیتے ہوئے بنچ نے 28 مارچ کو اس کی سماعت کی تاریخ طے کی۔
رکنیت کی بحالی کے تناظر میں مسٹر سنگھوی نے بنچ کے سامنے کہا کہ سات خطوط لکھ چکے ہیں، لیکناس سلسلے میں اب تک کوئی کارروائی نہیں کی گئی ہے۔ انہوں نے یہ بھی کہا کہ کیرالہ ہائی کورٹ کی طرف سے ان کی سزا پر روک لگانے کے خلاف لکشدیپ کی یونین ٹیریٹری ایڈمنسٹریشن کی طرف سے دائر مقدمہ منگل کو جسٹس کے ایم جوزف کی سربراہی والی بنچ کے سامنے سماعت کے لیے آسکتا ہے۔ درخواست گزار کی ان گذارشات کو سننے کے بعد، عدالت عظمیٰ نے منگل کو فوری رٹ درخواست کی سماعت کی اجازت دے دی۔
یہ بھی پڑھیں: Abdullah Azam Disqualified as MLA اعظم خان کے بیٹے عبداللہ اعظم کی اسمبلی رکنیت منسوخ
بنچ ابتدائی طور پر اس معاملے کو 5 اپریل کو سماعت کے لیے درج کرنا چاہتی تھی۔ پٹیشنر نیشنلسٹ کانگریس لیڈر کے نے ایڈوکیٹ کے آر سشی پربھو کے ذریعہ دائر اپنی درخواست میں یہ عرض کیا ہے کہ لوک سبھا سکریٹریٹ 13 جنوری 2023 کے نوٹیفکیشن کو واپس لینے میں ناکام رہا ہے، جس سے انہیں رکن پارلیمنٹ کے طور پر نااہل قرار دیا گیا ہے۔ عرضی میں کہا گیا ہے کہ یہ اس حقیقت کے باوجود ہے کہ درخواست گزار کی سزا (جو کہ نوٹیفکیشن کی بنیاد تھی) پر کیرالہ ہائی کورٹ نے 25 جنوری 2023 کو روک لگا دی تھی اور سپریم کورٹ نے بھی ہائی کورٹ کے حکم پر روک لگانے سے انکار کر دیا تھا۔
یو این آئی
