سعودی وزارت حج و عمرہ کے ذرائع سے حاصل کردہ تفصیلات کے مطابق بھارت کو 79,237، پاکستان کو 81,132 اور انڈونیشیا کو 100,051 کا کوٹہ الاٹ کیا گیا ہے، سعودی عرب کے وزارت حج و عمرہ نے کی جانب سے کہا گیا ہے کہ بھارت،پاکستان، بنگلہ دیش، انڈونیشیا، برطانیہ سمیت دیگر ممالک کو سال 2022 کے لیے عارضی حج کوٹہ جاری کیاگیاہے۔وزارت کی جانب سے کہاگیا ہے کہ "انڈونیشیا کو سب سے زیادہ حصہ ملتا ہے جس کے بعد پاکستان اور بھارت کا نمبر آتا ہے۔ Saudi Govt Announces Hajj Quota
سعودی عرب نے 10 اپریل کو اعلان کیا تھا کہ وہ آئندہ حج سیزن میں 10 لاکھ ملکی اور غیر ملکی عازمین کو مکہ مکرمہ میں فریضہ حج کی ادائیگی میں شامل ہونے کی اجازت دے گا۔ عام دنوں میں 25 لاکھ سے زائد عازمین حج اس مقدس فریضہ کی ادائیگی میں شامل ہوتےہیں، تاہم، مملکت نے 2020، 2021، اور 2022 میں بھی کووڈ 19 وبائی امراض کے سبب حجاج کی تعداد تقریباً ختم کر دی تھی۔ سعودی وزارت حج و عمرہ کے ذرائع سے حاصل کردہ تفصیلات کے مطابق بھارت کو 79,237، پاکستان کو 81,132 اور انڈونیشیا کو 100,051 کا کوٹہ الاٹ کیا گیا ہے۔
دوسرے ممالک کے لیے حج کوٹہ
بنگلہ دیش کا حج کوٹہ 57,585، نائجیریا کا 43,008، افغانستان کا 13,582 اور ترکی کا 37,770 ہے۔ برطانیہ، امریکہ اور فرانس کو بالترتیب 12,348، 9,504 اور 9,268 کا کوٹہ الاٹ کیا گیا ہے۔ وزارت نے کہا، "حج 2022 کے کوٹہ کی تفصیلات آج جاری کی گئی ہیں، عارضی ہے" سعودی عرب ہر ملک کو مسلمانوں کی آبادی کی بنیاد پر حج کوٹہ مختص کرتا ہے۔ اس کے مطابق، ہندوستان کو 2019 میں 2,25,000 کا کوٹہ مختص کیا گیا تھا۔ پھر حج کمیٹی آف انڈیا اس کوٹہ کو مسلم آبادی کی بنیاد پر مختلف ریاستوں میں تقسیم کرتی ہے، اور اس کوٹہ کا کچھ حصہ پرائیویٹ ٹور آپریٹرز کے لیے بھی محفوظ رکھتی ہے۔
حج کمیٹی نے 01 نومبر 2021 سے درخواست فارم وصول کرنا شروع کیا تھا۔ درخواست کی آخری تاریخ 15 فروری 2022 تھی۔ تاہم حج کمیٹی نے درخواست کی ونڈو کو 09 اپریل 2022 کو دوبارہ کھول کھولا ہے جس کے لیے 22 اپریل 2022 کی آخری تاریخ مقرر کی گئی تھی جو کل مکمل ہو چکی ہے۔ حج کمیٹی آف انڈیا کو 15 فروری 2022 تک تقریباً 1 لاکھ عازمین سے درخواستیں موصول ہوئی تھیں۔ اب چونکہ ملک کو 79,237 عازمین حج کا کوٹہ مختص کیا گیا ہے، حتمی فہرست قرعہ اندازی (جسے حج قرہ بھی کہا جاتا ہے) کی مدد سے تیار کیا جائے گا۔ حج قرہ مختلف ریاستوں کے ذریعہ ان کے متعلقہ ہیڈکوارٹر پر منعقد کیا جاتا ہے۔
حج کمیٹی آف انڈیا مقررہ وقت پر حج پرواز کی تاریخ اور شیڈول کے ساتھ قرہ شیڈول جاری کرے گی۔ امید کی جاتی ہے کہ آئندہ سیزن میں سب سے پہلے غیر ملکی عازمین کو حج کرنے کی اجازت ملے گی کیونکہ گزشتہ دو برسوں سے صرف ملک کے عازمین ہی حج کا فریضہ ادا کئے تھے۔ وزارت کے مطابق، 2021 میں، مقدس شہر مکہ میں تقریباً 60,000 عازمین حج آئے، جب کہ 2020 میں صرف 1000 منتخب عازمین نے حج کیا۔
وبائی مرض سے پہلے 2019 تک، دنیا بھر سے 2.5 ملین سے زیادہ عازمین ہر سال حج کرتے تھے۔حج 2022 کی ممکنہ تاریخ یا تو 07 جولائی 2022 ہے یا 08 ذی الحجہ 1443 ہجری کے مطابق۔ ذوالحجہ کا چاند نظر آنے کے بعد حتمی تاریخ کا فیصلہ کیا جائے گا۔
