دراصل گزشتہ دنوں جامعہ میں پولیس کی جانب سے ہوئی بربریت کی صاف شفاف انکوائری کے مطالبےکو لے کر طلبا ستیہ گرہ کر رہے ہیں۔
جامعہ کے طلبا کے ذریعہ جاری احتجاجی مظاہروں میں ایک نئے دور کی شروعات ہوئی ہے، گاندھی گری کا طریقہ اپناتے ہوئے انہوں نے ستیہ گرہ شروع کیا ہے۔
اس ستیہ گرہ میں طلبا کے علاوہ مقامی لوگ بھی شامل ہو رہے ہیں، جن کا مطالبہ ہے کہ شہریت قانون کے خلاف مظاہرین پر پولیس نے جو بربریت کی ہے اس کی بڑے پیمانے پر انکوائری ہو۔
سڑک پر ایل سی ڈی
جامعہ یونیورسٹی میں ایک انوکھی تصویر دیکھنے کو ملی۔ مظاہرین کے ذریعہ دو ایل سی ڈی (ٹی وی) نصب گئے ہیں۔
جس میں شہریت ترمیمی قانون کے خلاف ملک بھر میں جاری مظاہرین پر پولیس کریک ڈاون کی کہانی سنائی جارہی ہے۔ تصویروں اور ویڈیوز کے ذریعہ عام لوگوں کو بتایا جارہا ہے کہ کس طرح پولیس نے پر امن مظاہرین پر مظالم کے پہاڑ توڑے۔
جامعہ کی اسٹوڈینٹ کمیٹی سے وابستہ راج بہادر نے بتایا کہ 'ہم عام لوگوں کو ایل سی ڈی کے ذریعہ یہ بتانا چاہ رہے ہیں کہ حکومت کس طرح مظاہرین کو نشانہ بنا رہی ہے۔
فی الحال صبح سے شام تک مظاہرہ کا سلسلہ جاری رہتا ہے اور بڑی تعداد میں مظاہرین شامل ہو رہے ہیں۔
