جس کا افتتاح جیل کے ڈائریکٹر جنرل پولیس آنند کمار اور ڈی آئی جی (جیل) لو کمار نے کیا۔ اس ٹنل میں گاڑیوں کو بھی سینیٹایز کیا جا سکتا ہے۔ حکام نے جیل کا معائنہ بھی کیا۔
جیل سپرنٹنڈنٹ وپن کمار مشرا نے کہا کہ جیل انتظامیہ کووِڈ۔19 کے انفیکشن کو روکنے کے لیے پر عزم ہے۔ اس کے لیے ہر ممکن اقدام اٹھایا جارہا ہے۔ سینیٹائز ٹنل بھی اسی اقدام کا ایک حصہ ہے۔ انہوں نے بتایا کہ روزانہ کام کے لیے جیل سے باہر جانے والی تمام گاڑیوں کو سینیٹایز کیا جائے گا۔
ڈی جی (جیل انتظامیہ) آنند کمار اور ڈی آئی جی (جیل) لو کمار نے کووِڈ-19 کے انفیکشن سے قیدیوں اور جوانوں کو بچانے کے لیے کیے جانے والے اقدامات کا بھی جائزہ لیا۔
جیل سپرنٹنڈنٹ وپن کمار مشرا کے مطابق جیل کے بیرک نمبر 99 کے احاطے کو کورنٹائن بیرک بنایا گیا ہے۔
نئے آنے والے قیدیوں کو 14 دن تک ڈاکٹروں کی نگرانی میں رکھا جاتا ہے۔ اگر کسی قیدی میں انفکشن کے آثار ظاہر ہوئے تو اسے اسٹیٹ انسٹی ٹیوٹ آف میڈیکل سائنسز (JIMS) بھیج دیا جائے گا۔
انہوں نے بتایا کہ جیل کے باہر اور اندر صابن، ہینڈ واش اور سینیٹائزر کا انتظام کیا گیا ہے۔ قیدیوں کے درمیان معاشرتی دوری پر بھی عمل کروایا جارہا ہے۔
