آر ٹی آئی کارکن یوسف نقی نے اس تعلق سے پولیس سے معلومات حاصل کی۔ میڈیا میں آئی ان معلومات کے مطابق دہلی کے شمال مشرقی ضلع میں آٹھ مساجد، دو مدرسہ اور ایک درگاہ کو نقصان پہنچایا گیا ہے۔
جبکہ دہلی وقف بورڈ نے اس تعلق سے 19 عبادت گاہوں کے نقصان کا اعداد و شمار دیا ہے۔
آر ٹی آئی کارکن کے مطابق پولیس نے ان مساجد اور عبادت گاہوں کے نام بتانے سے یہ کہتے ہوئے منع کردیا کہ یہ معلومات کافی حساس ہیں۔
حق معلومات میں پولیس کا ایک اور انکشاف ہے، جس کے مطابق مساجد، درگاہوں اور مدرسوں پر حملوں کے تعلق سے 11 ایف آئی آر درج ہوئے۔ اس میں 31 افراد کو گرفتار کیا گیا، جن میں 7 افراد ضمانت پر رہا ہیں۔
جبکہ ہندو عبادت گاہوں کے نقصان میں دو ایف آئی آر درج کئے گئے ہیں۔ اس میں دو افراد حراست میں ہیں اور ان میں کوئی بھی ضمانت پر رہا نہیں ہوا ہے۔
پولیس نے دیگر معلومات کی طرح زیر حراست افراد کے نام کی تفصیلات دینے سے انکار کردیا۔
