وائرل ہوئے ویڈیو میں پولیس اہلکار کہتے ہیں کہ :' ڈیوٹی پر موجود ہونے کے باوجودہ ای سی پی نے انہیں غیر حاضر لگانے کی دھمکی دی ہے'۔
وائرل ویڈیو میں دہلی پولیس اہلکار اپنے سینئر افسران سے مدد کی اپیل کر تے ہوئے کہتے ہیں کہ ان کی مدد کی جائے اور انہیں اس پریشانی سے نجات دلائی جائے۔
انہوں نے اس ضمن میں کوئی کارروائی نہ کرنے کی پاداش میں انتہائی قدم اٹھانے کی دھمکی بھی دی ہے۔ ویڈیو میں ان لوگوں کے نام بھی بتائے گئے ہیں جو مبینہ طور پر انہیں ہراساں کررہے ہیں۔
خیال رہے کہ مذکورہ ویڈیو بہت تیزی سے سوشل سائٹس پر مقبول ہورہا ہے اور لوگوں نے کمنٹس کرکے پولیس اہلکار سے ہمدردی جتائی ہے۔
تفصیلات کے مطابق، مذکورہ اہلکار دہلی کے سیما پوری سرکل پر تعینات ہے۔ انہوں نے اپنی بات اعلی افسران تک پہنچانے کی غرض سے دو روز قبل یہ ویڈیو بنائی تھی اور اسے سوشل میڈیا پر شیئر کیا تھا۔
