'آبادی پر کنٹرول ایک سیاسی شگوفہ'

آبادی پر کنٹرول سے متعلق بیان کو سیاسی شگوفہ بتاتے ہوئے آل انڈیا مسلم مجلس مشاورت کے صدر نوید حامد نے کہا کہ 'اس مسئلے پر قانون سازی سے کوئی فائدہ نہیں ہوگا۔'

نوید حامد نے کہا کہ 'آبادی میں اضافہ ایک چیلینج ہے جو بین الاقوامی مسئلہ بن چکا ہے۔'
انہوں نے کہا کہ 'آبادی میں اضافہ کا سبب ناخواندگی اور بیروزگاری ہے جبکہ وزیراعظم کو ان مسائل پرغور کرنا چاہیے۔'
نوید حامد نے مزید کہا کہ 'بھارت میں آبادی میں اضافہ سے متعلق موضوعات سے اقلیتوں خاص کر مسلمانوں میں خوف پھیلانے کی کوشش کی جاتی ہے۔'

انہوں نے کہا کہ 'مردم شماری سے ظاہر ہوتا ہے کہ مسلمانوں کی آبادی کی شرح میں گراوٹ آئی ہے۔'مسلم مجلس مشارت کے صدر نے آبادی بڑھنے کی وجوہات پر غور کرنے کا حکومت کو مشورہ دیا۔