معلومات کے مطابق 'سابق چیف جسٹس رنجن گوگوئی کا آخری ورکنگ ڈے گذشتہ جمعہ کو تھا، لیکن وہ اتوار کو ریٹائر ہوئے۔ انہوں نے اتوار کے روز سپریم کورٹ کی ذمہ داری نبھانے والے ڈی سی پی ایس کے تیواری کو ایک خط دیا ہے۔'
اپنے خط میں انہوں نے لکھا ہے کہ 'وہ آج اپنا دفتر چھوڑنے جارہے ہیں۔ سپریم کورٹ کے تحفظ میں تعینات دہلی پولیس کے افسران نے ڈی سی پی ایس کے تیواری کی نگرانی میں بہت عمدہ کام کیا ہے۔'
اس دوران، عدالت عظمیٰ میں بہت سارے تاریخی کام انجام دئے گیے، جن میں وزیر اعظم کا سپریم کورٹ میں آنا، صدر کا اضافی بلڈنگ کمپلیکس کا افتتاح وغیرہ شامل ہیں۔
ان سبھی پروگرام میں دہلی پولیس نے بہترین انداز میں سیکیورٹی کی کمان سنبھالی۔ ان تمام پروگراموں کی کامیابی میں دہلی پولیس کا بہت بڑا رول ہے۔ محکمہ سیکیورٹی کی جانب سے ان پروگراموں کو کامیاب بنانے کے لیے جس انداز سے کام کیا گیا وہ قابل تعریف ہے۔
انہوں نے خط میں لکھا ہے کہ سپریم کورٹ کی سکیورٹی میں تعینات پولیس اہلکاروں نے ڈیوٹی کا وقت دیکھے بغیر اپنا اہم کردار ادا کیا ہے۔
اس موقع پر رنجن گوگوئی نے پولیس اہلکاروں کو مستقبل کی نیک خواہشات پیش کیا۔
انہوں نے کہا کہ 'وہ چاہتے ہے کہ پولیس مستقبل میں بھی اسی طرح اعلی معیار کے ساتھ اپنا کام جاری رکھے۔'
