قومی دارالحکومت دہلی میں دہلی حکومت کے توسط سے بنایا گیا رین بسیرا ہی لوگوں کی مدد کررہا ہے۔
ای ٹی وی بھارت کی ٹیم جنوبی دہلی کے علاقے یوسف سرائے میں رین بسیرا پر پہنچی۔ وہاں ٹیم نے اس بات کا جائزہ لیا کہ کس طرح کورونا کے قواعد پر عمل کیا جارہا ہے۔
لاک ڈاؤن کے بعد دہلی اور دیگر علاقہ کے لوگوں کے رہنے کا کوئی انتظام نہیں تھا، کیوں کہ بہت سے لوگ دہلی کے ایمس میں دوسری ریاستوں سے علاج کروانے آتے ہیں، ایسے میں ان لوگوں کے پاس ٹھہرنے کے لیے کوئی ٹھکانہ نہیں ہوتا۔
اسی صورتحال کو دیکھتے ہوئے دہلی حکومت کی جانب سے بنائے گئے رین بسیرا کو ہی ان لوگوں کی مدد کے لیے وقف کردیا گیا۔
خیال رہے کہ دہلی میں اس وقت کورونا وائرس تیزی سے پھیل رہا ہے، ایسی صورتحال میں لوگوں کو ان پناہ گاہوں میں کورونا وائرس سے بچاؤ کے لیے ماسک اور سینیٹائزر بھی مہیا کرانا چاہیے۔
لہذا جب ای ٹی وی بھارت نے ان محافظوں سے بات کی جو یہاں ڈیوٹی پر تھے تو انہوں نے بتایا کہ لوگوں کو ماسک دے دیے گئے ہیں، اور سینیٹائزر بھی دیے گئے ہیں۔
رین بسیرا میں سماجی دوری پر بھی پوری توجہ دی جارہی ہے، یہی وقت ہے جب ای ٹی وی بھارت کی ٹیم نے ایک ایسی خاتون سے بات کی جو اپنی بہو کے ساتھ علاج کے لیے ایمس آےئ تھی، تو انہوں نے بتایا کہ انہیں رات رین میں وقت پر کھانا ملتا ہے اور کھانے کا معیار بھی بہت اچھا ہوتا ہے۔
ایس مانا جارہا ہے ان دنوں دہلی حکومت کے توسط سے رین بسیرا ایسے لوگوں کے لیے ایک بہت بڑا سہارا بن گیا ہے۔
اور یہاں پر لوگوں کو کورونا وائرس سے بھی بیدار کیا جارہا ہے، نیز یہاں تمام اصولوں کی ہر طرح سے پیروی بھی کی جارہی ہے۔
