کانگریس پارٹی کے سینیئر رہنما اور راجیہ سبھا کے رکن موتی لال وورا کو کانگریس پارٹی کا عبوری صدر بنانے کی خبریں گشت کر رہی ہیں لیکن اس کی اب تک تصدیق نہیں ہوئی ہے۔
ایسی خبریں گردش کر رہی تھیں کہ راہل گاندھی عہدہ صدارت سے مستعفی ہوگئے ہیں لیکن تصدیق کے بعد یہ پتہ چلا کہ مسٹر گاندھی ہی کانگریس کی قیادت کریں گے۔
حالانکہ اب بھی راہل گاندھی اپنے استعفے پر اڑے ہوئے ہیں اور انہوں نے اپنا بدل تلاش کرنے کے احکامات بھی جاری کیے ہیں۔
خبر یہ تھی کہ 'کانگریس پارٹی کے صدر راہل گاندھی نے لوک سبھا انتخابات 2019 میں پارٹی کی شکست کے لیے خود کو ذمے دار قرار دیتے ہوئے صدر کے عہدے سے استعفی دے دیا ہے مگر اس خبر کی کانگریس پارٹی نے کوئی تصدیق نہیں کی ہے۔
