دارالحکومت دہلی میں ایک دن کی راحت کے بعد تیل کمپنیوں نے ایک بار پھر ڈیزل کی قیمتوں میں اضافہ کردیا ہے۔ ڈیزل کی قیمتوں میں ایک بار پھر 17 پیسے کا اضافہ ہوا ہے۔ اب ڈیزل کی قیمت 81.35 روپے فی لیٹر کردی گئی ہے، حالانکہ پٹرول کی قیمت میں کوئی تبدیلی نہیں کی گئی ہے۔
یہ بھی پڑھیں: دسمبر 2020 تک کٹرا- بنیال ریل لنک مکمل ہونے کی امید
دہلی میں ڈیزل کی قیمتیں آسمان کو چھو رہی ہیں۔ آج ڈیزل کی قیمتیں پٹرول سے زیادہ ہیں، جس کی وجہ سے عوام میں غم و غصہ ہے۔
عام لوگوں کا کہنا ہے کہ ایک طرف کورونا وبائی مرض اوردوسری طرف مہنگائی کی دوہری مار ہے۔ تیل کی قیمتوں میں اضافے کی وجہ سے دوسرے سامان کی قیمتوں میں بھی اضافہ ہوتا ہے۔ جس کا براہ راست اثر عام لوگوں کی جیب پر پڑتا ہے۔
