داراحکومت دلی کے جنتر منتر پر شہری ترمیمی بل کے خلاف احتجاج کے مدنظر دہلی پولیس نے سخت حفاظتی انتظامات کیے ہیں۔ اس کے علاوہ جنتر منتر پر دوکانیں بھی بند کرادی گئی ہیں۔
دوکانداروں کی شکایت ہے کہ یہاں بڑے بڑے دھرنے ہوتے ہیں لیکن دوکانیں کبھی بند نہیں ہوتیں مگر ان (مسلمانوں) کے احتجاج کی وجہ سے دوکانیں بند کرادی گئیں۔
احتجاج کے مدنظر پولیس نے دکانیں بند کرادی
پولیس کے افسران وجہ بتانے سے گریز کر رہے ہیں اور صرف یہ کہہ رہے ہیں کہ بھیڑ کی وجہ سے احتیاطی تدابیر کے طور پر یہ حفاظتی اقدامات اُٹھائے جارہے ہیں۔
واضح ہو کہ جمعیۃ علماء ہند کے جنرل سکریٹری مولانا محمود مدنی کی دعوت پر یہ مظاہرہ کیا جارہا ہے۔ ان کے مطابق یہ مظاہرہ پُر امن ہے، مگر پولیس کی بھاری موجودگی سے لوگوں میں شکوک و شبہات پیدا ہو رہے ہیں۔
