'ہم فتح سے مغرور نہیں ہوتے اور شکست سے مایوس نہیں ہوتے'

بی جے پی کے ریاستی دفتر میں ایک پوسٹر موضوع بحث بن گیا ہے، پوسٹر میں لکھا ہوا ہے 'ہم فتح سے مغرور نہیں ہوتے، ہم شکست سے مایوس نہیں ہوتے۔'

دہلی اسمبلی انتخابات میں ووٹوں کی گنتی کا سلسلہ جاری ہے۔ عام آدمی پارٹی شروعاتی رجحانات میں آگے ہے۔ وہیں دہلی بی جے پی کے ریاستی دفتر میں ایک پوسٹر بحث کا موضوع بن گیا ہے جس میں لکھا گیا ہے کہ 'ہم فتح سے مغرور نہیں ہوتے ہم شکست سے مایوس نہیں ہوتے'۔

واضح رہے کہ جس طرح شروعاتی رجحانات دیکھنے کو مل رہے ہیں یہ پوسٹر بلکل درست بیٹھ رہا ہے۔

دوسری جانب اگر ہم بی جے پی رہنماؤں کے بارے میں بات کریں تو ان کا کہنا ہے کہ 'یہ پوسٹر 4-5 ماہ پرانا ہے لیکن جس طرح دہلی اسمبلی انتخابات کے نتائج آرہے ہیں یہ پوسٹر اب ایک چرچےکا موضوع بن گیا ہے۔

ایک طرح سے اس پوسٹر سے کارکنوں کے حوصلے بلند ہوتے دکھائی دے رہے ہیں۔