ڈاکٹر ظفرالاسلام کو پاپولر فرنٹ کی حمایت

پاپولر فرنٹ آف انڈیا کے چیئرمین، او ایم اے سلام نے دہلی اقلیتی کمیشن کے چیئرمین ڈاکٹر ظفرالاسلام خان کے خلاف دہلی پولیس کے ذریعہ لگائے غداری اور دیگر الزامات کی شدید مذمت کی ہے۔

پاپولر فرنٹ آف انڈیا کے چیئرمین، او ایم اے سلام نے آج ایک بیان کے ذریعے معروف اسلامی اسکالر، صحافی اور دہلی اقلیتی کمیشن کے چیئرمین ڈاکٹر ظفر الاسلام خان کے خلاف دہلی پولیس کے ذریعہ لگائے غداری اور دیگر الزامات کی شدید مذمت کی ہے۔
انہوں نے کہا کہ ڈاکٹر ظفر الاسلام خان کے ٹویٹر سے ایک ٹویٹ سیاق و سباق سے ہٹ کر لیا گیا، اور اسے کچھ شرپسندوں نے مسنح کیا اور اس میں سازش آمیز مواد شامل کرکے وائرل کر دیا ۔

ڈاکٹر ظفرالاسلام کو پاپولر فرنٹ کی حمایت

اطلاعات کے مطابق دہلی اقلیتی کمیشن کے چیئرمین کی حیثیت سے کام کر رہے ظفرالسلام پر کمیشن کو ملنے والی متعدد شکایات کا جوابدہ کمیشن نے دہلی پولیس کو بنایا۔ اس کے بعد گورنمنٹ اور پولیس میں فرقہ وارانہ تفرقہ ڈالنے والے عناصر کو خطرہ محسوس ہوا، جس کی وجہ سے ان کے خلاف یہ مہم چلائی گئی۔ پاپولر فرنٹ آف انڈیا کے چیئرمین نے کہا کہ 'قانونی اقلیتی پینل کے سربراہ کے خلاف مرکزی حکومت کے تحت ہندوتوا کیمپوں اور دہلی پولیس کی بد دیانتی مشن کی وجہ سے بھارت کی بیرون ملک میں مقیم شبیہہ کو اور خراب کیا جا رہا ہے۔اس لئے مرکزی حکومت اور دہلی پولیس سے مطالبہ ہے کہ وہ ڈاکٹر خان کے خلاف بے بنیاد مجرمانہ الزامات کو واپس لیں۔