شیرپا نے جمعرات کو اترپردیش کے ضلع دیوریا میں کرائم میٹنگ کرنے کے بعد میڈیا نمائندوں سے کہا کہ میرا ماننا ہے کہ عام عوام سے دوستانہ سلوک کرکے ان کا اعتماد حاصل کیا جاسکتا ہے۔ دیوریا پولیس کی تعریف کرتے ہوئے انہوں نے کہا کہ جرائم پر کنٹرول ہو ہے۔ یہاں کی پولیس ایک تجربہ کار پولیس کپتان کی قیادت میں اچھا کام کررہی ہے۔
انہوں نے صحافیوں سے اپنی بات چیت میں کہا کہ قانون سب کے لئے ہے۔ قانون سے ہی پولیس کو طاقت ملتی ہے۔اس کا بہتر استعمال ہونا چاہئے۔
پولیس کا کام عوام کو نہیں بلکہ مجرمین کو ڈرانا ہے۔ عام عوام کے ساتھ پولیس کا ایسا دوستانہ سلوک ہو جس سے اسے نقصان نہ پہنچے۔
مسٹر شیر پا نے کہا کہ پولیس کو عوام کا اعتماد حاصل کرنا ہوگا۔ جرائم پر کنٹرول حاصل کرنے کے لئے عوام کا اعتماد حاصل کرنا ہوگا اور محسوس کرنا ہوگا کہ پولیس عوا م کی دوست ہے تو جرائم پیشہ افراد کے لئے ان کی دشمن۔
عوام کا اعتماد حاصل کر کے جرائم اور جرائم پیشہ افراد پر لگا م لگایا جاسکتا ہے۔
