قومی دارالحکومت دہلی سے متصل ریاست اترپردیش کے ضلع غازی آباد کے علاقے وجے نگر کے سُداماپوری علاقے میں کرایہ دار نے بدلہ لینے کے سبب اپنے مالک مکان کے چار برس کے بچے کا اغوا کرلیا، جس کی اطلاع پولیس کو دی گئی۔
اطلاع پاکر پولیس نے فوری کارروائی کرتے ہوئے کرایہ دار کو گرفتار کرکے بچے کو اس کے گھر والوں کے حوالے کردیا۔
واضح رہے کہ یہ سنسنی خیز معاملہ سداماپوری کا ہے، جو غازی آباد کے علاقے وجے نگر میں واقع ہے۔ بچے کے والد کا کہنا ہے کہ کرایہ دار ان کے مکان کے ایک حصے میں رہتا ہے۔
پولیس نے بتایا کہ کرائے دار بچے کو نوئیڈا لے جاکر اسے ایک خالی مکان میں رکھا تھا۔ پولیس نے خفیہ اطلاع کی بنیاد پر فوری کارروائی کی۔ جس کے بعد ملزم کرایہ دار کو گرفتار کرلیا گیا، اور بچے کو اس کے اہل خانہ کو سونپ دیا گیا، فوری کاروائی پر بچے کے والد نے پولیس کا شکریہ ادا کیا۔
دراصل کرائے دار نندو کی اس کے مالک مکان راجکمار سے لڑائی ہوگئی تھی، جس میں معاملہ گالی گلوج تک آگیا تھا جس کی وجہ سے نندو نے غصے میں آکر اس واقعہ کو انجام دیا۔
بچے کو اغوا کرنے کے بعد کرائے دار ملزام نے فون پر کہا کہ وہ بچے کو واپس نہیں کرے گا۔
واضح رہے کہ اس واقعے سے قبل پولیس نے 'آپریشن خوشی' مہم کی شروع کی تھی، اور اسی آپریشن کے تحت بچے کو بازیاب کیا گیا ہے۔
خیال رہے کہ اس مہم کا مقصد خاندان میں خوشی لوٹانا ہے، تاہم پولیس کا دعویٰ ہے کہ اتوار کی رات بھی مسوری پولیس نے ایک کھوئے ہوئے بچے کو اس کے اہل خانہ سے ملوایا تھا، جس کے بعد پولیس کی ستائش کی جارہی ہے۔
