دارالحکومت دہلی کے علاقے پل پرہلاد پور میں علاقے انسانیت کو شرمسار کرنے والا واقعہ سامنے آیا ہے۔جہاں ایک چار سالہ بچی کے ساتھ اسی کے والد نے جنسی زیادتی کی ہے۔ متاثرہ کی والدہ کی شکایت پر پولیس نے ملزم کو گرفتار کرلیا ہے اور پورے معاملے کی تحقیقات کررہی ہے۔
اطلاع کے مطابق یہ واقعہ اکتوبر مہینے کا ہے جب چار سالہ نابالغ لڑکی اپنی والدہ اور اپنے والد کے ساتھ پُل پرہلاد پور کے علاقے میں رہ رہی تھی۔ اسی دوران بچی کے ساتھ یہ حادثہ پیش آیا۔
جب لڑکی کی والدہ نے ملزم کی اس حرکت کے خلاف احتجاج کیا تو متاثرہ کے والد نے اسے کو زدوکوب کیا اور دھمکی بھی دی۔
جس کی وجہ سے وہ پولیس سے اس معاملہ کی شکایت نہیں کرپارہی تھی لیکن کچھ وقت کے بعد جب وہ اپنے آبائی گھر پہنچی تو متاثرہ بچی کی نانی نے صوفیہ سلیم نامی ایک خاتون وکیل سے ملاقات کی اور انھیں اس پورے معاملے سے آگاہ کیا۔ جس کے بعد لڑکی کی والدہ نے پولیس میں اپنے شوہر کے خلاف شکایت درج کرائی۔
شکایت ملنے کے بعد پولیس نے فوری کارروائی کرتے ہوئے ملزم والد کو گرفتار کرلیا اور اب سے پوچھ گچھ کی جارہی ہے۔
