پیٹرول اور ڈیزل کی قیمتوں میں اضافہ

پیٹرول اور ڈیزل کی قیمتوں میں جمعہ کے روز ایک بار پھر اضافہ ہوگیا ہے۔ اس وقت ملک میں پیٹرول کی قیمتیں ریکارڈ سطح پر ہیں۔ دہلی کے علاوہ دیگر شہروں میں ڈیزل کی قیمتوں میں اضافہ ہوا ہے۔

گھریلو مارکٹ کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پیٹرول 30 پیسے مہنگا ہوگیا اور اس کی قیمت 86.95 روپے فی لیٹر تک پہنچ گئی۔

ممبئی میں پیٹرول 29 پیسے بڑھ کر 93.49 روپے ہوگیا جبکہ کولکاتہ میں 29 پیسے کے اضافے کے ساتھ 88.30 روپے فی لیٹر ہوگیا ہے۔

چنئی میں اس کی قیمت میں 26 پیسے کا اضافہ ہوا ہے اور ایک لیٹر پیٹرول 89.39 روپے میں فروخت ہوا۔ ممبئی میں پہلی بار پیٹرول 93 روپے اور چنئی میں 89 روپے فی لیٹر سے اوپر پہنچ گیاہے۔

دہلی میں ڈیزل کی قیمت 30 پیسے بڑھ کر 77.13 روپے فی لیٹر ہوگئی جس کی 30 جولائی 2020 کے بعد ریکارڈ سطح ہے۔

ممبئی میں اس کی قیمت 32 پیسے کے اضافے کے ساتھ 83.99 روپے ، چنئی میں 29 پیسے بڑھ کر 82.33 روپے اور کولکاتہ میں 30 پیسے کے اضافے سے 80.71 روپے فی لیٹر ہوگئی۔

شہر ۔۔۔۔ پیٹرول ۔۔۔۔۔۔۔۔۔ ڈیزل

دہلی ------ 86.95 ------ 77.13

ممبئی ------- 93.49 ------ 83.99

چنئی ------ 89.39 ------ 82.33

کولکاتا --- 88.30 ------ 80.71