دہلی ہائی کورٹ میں ایک عرضی دائر کی گئی ہے جس میں مطالبہ کیا گیا ہے کہ تمام اسپتالوں کو کورونا سے متاثرہ مریضوں کی صحت یاب ہونے پر پلازما لینے کا پابند کیا جانا چاہئے۔ یہ عرضی پیوش گپتا نے دائر کی ہے۔ وکیل کپل گوئل نے درخواست گزار کی جانب سے مطالبہ کیا ہے کہ وزارت صحت و خاندانی بہبود اور نیشنل ڈیزاسٹر مینجمنٹ اتھارٹی کو ہدایات جاری کی جائیں کہ اسپتالوں اور نرسنگ ہومز میں پلازما آسانی سے دستیاب ہوجائے۔
درخواست میں کہا گیا ہے کہ پلازما تھراپی کے سوا اب تک کورونا کا کوئی موثر علاج دریافت نہیں کیا جاسکا ہے، لیکن ہماری حکومت پلازما کی دستیابی کے لئے موثر اقدامات نہیں کررہی ہے۔
درخواست میں مطالبہ کیا گیا ہے کہ پلازما کی دستیابی کو ریگولیٹ کرنے کے لئے ایک کمیٹی تشکیل دی جائے، جس سے تمام اسپتالوں اور نرسنگ ہومز میں پلازما کو رکھنا لازمی قرار دیا جائے۔ درخواست میں کہا گیا ہے کہ تمام سرکاری اور نجی اسپتالوں کو یہاں داخل ہونے والے کورونا مریضوں کا ڈیٹا فراہم کرنا چاہئے۔
یہ بھی یقینی بنائیں کہ یہ اسپتال صحت مند کورونا مریضوں کا پلازما لیں۔ یہ اسپتال پلازما کی دستیابی کو ظاہر کریں اور کورونا کے سنگین مریضوں کو پلازما مفت یا کم قیمت مین فراہم کریں۔
درخواست میں کہا گیا ہے کہ درخواست گزار کو پتہ چل گیا ہے کہ پلازما کی بلیک مارکیٹنگ شروع ہوگئی ہے اور ضرورت مند مریضوں کو پلازما نہیں مل رہا ہے۔ ایسی صورتحال میں پلازما کو ریگولیٹ کرنے کے لئے میکانزم بنانے کی ضرورت ہے۔
