ریلوے نے دوسرے ریاست میں پھنسے ہوئے مزدوروں کو لانے لے جانے کے لیے اعلان کردہ خصوصی ٹرینوں کے بارے میں وضاحت جاری کی ہے۔ اس میں واضح طور پر کہا گیا ہے کہ کسی بھی شخص کو اپنی ریاست جانے یا ٹرین پکڑنے کے لئے براہ راست ریلوے اسٹیشن نہیں آنا چاہئے، کیونکہ سارا انتظام ریاستی حکومت کی نگرانی میں کیا جارہا ہے۔ مسافروں کو اسٹیشن تک پہنچانے کی ذمہ داری بھی حکومت کی ہوگی۔
شمالی ریلوے کے چیف تعلقات عامہ افسر دیپک کمار نے ایک بیان میں کہا ہے کہ کسی بھی شخص کو کسی بھی حالت میں ٹرین کے لئے براہ راست اسٹیشن نہیں آنا چاہئے۔
نہ ہی ریلوے کسی بھی طرح کا کوئی ٹکٹ جاری کررہا ہے اور نہ ہی کسی شخص یا گروہ کو براہ راست اسٹیشن آنے کی اجازت دے رہا ہے۔
انہوں نے واضح کیا کہ ریلوے اسٹیشنوں پر صرف انہی لوگوں کو آنے کی اجازت ہوگی جو ریاستی حکومت کے ذریعے وہاں لائے گئے یا بھیجے گئے ہیں۔
واضح رہے کہ ریلوے کے ساتھ کوآرڈینیشن میں ریاستی حکومتیں دوسرے ریاستوں میں پھنسے ہوئے اپنے لوگوں کو لانے کے انتظامات کر رہی ہیں۔ اس کے لئے لیبر اسپیشل ٹرینیں چلائی جارہی ہیں۔ حال ہی میں ممبئی کی صورتحال کے بعد ریلوے نے یہ وضاحت جاری کی ہے۔
قبل ازیں لاک ڈاؤن میں مزید دو ہفتوں کی توسیع کے نوٹیفکیشن کے بعد ریلوے نے مسافر ٹرینوں کی منسوخی کو بھی 17 مئی تک توسیع کی ہے۔
