پرامن احتجاج تشدد میں تبدیل

دہلی کے برج پوری میں پرامن احتجاج پرتشدد رخ اختیار کر گیا۔ ابھی صورتحال قابو میں ہے۔ کچھ لوگوں کے زخمی ہونے کی خبر ہے۔

دہلی کے برج پوری علاقے میں شہریت ترمیمی قانون کے خلاف پرامن احتجاج پرتشدد ہو گیا۔ بتایا جا رہا ہے کہ مظاہرین نے اچانک پتھراؤ کرنا شروع کر دیا۔ کچھ لوگ زخمی بھی ہوئے ہیں۔

شمال مشرقی دہلی کے ڈی سی پی آر پی مینا نے کہا کہ 'برج پوری کے علاقے میں قریب 300 سے 400 افراد پرامن احتجاج کر رہے تھے تبھی اچانک انہوں نے پتھراؤ کرنا شروع کر دیا۔ ہم نے ان سے بات چیت کی جس کے بعد وہ منتشر ہوگئے۔ صورتحال قابو میں ہے۔ کچھ لوگ زخمی بھی ہوئے ہیں'۔