حکومت نے ملک میں کورونا مریضوں کے لئے آکسیجن کے بحران کے مدنظر آکسیجن سے بھرے ٹینکروں کو ٹول پلازہ پر ٹیکس سے استثنی کر دیا ہے۔
روڈ ٹرانسپورٹ کی وزارت نے سنیچر کو یہاں ایک بیان میں کہا کہ ملک میں کووڈ متاثرین کو آکسیجن کی کمی نہیں ہو اور وقت پر تمام ضرورت مندوں کو آکسیجن پہنچائی جاسکے اس کے لئے ٹول پلازہ پر آکسیجن ٹینکروں کو ٹول ٹیکس سے استثنی کر دیا گیا ہے۔
بیان میں کہا گیا ہے کہ ٹول پلازہ پر اگلے آرڈر تک آکسیجن ٹینکروں کو بھی ایمبولنس گاڑیوں کی طرح ان کی منزل تک پہنچنے کی چھوٹ ہوگی اور ان سے کوئی ٹیکس نہیں لیا جائے گا۔
یو این آئی
