دراصل کرائم برانچ کی ٹیم مسلسل شمال مشرقی دہلی میں فسادات کے دوران آئی بی ملازم انکت شرما کے قتل کی تحقیقات کر رہی ہے۔
اس قتل کیس میں پولیس نے اتر پردیش کے سنبھل سے ایک شخص کو حراست میں لیا ہے۔ اس کی شناخت ناظم کے نام سے ہوئی ہے۔ اس سے پہلے گرفتار شدہ ملزم نے ناظم کے نام کا خلاصہ کیا تھا۔جس کے بعد کرائم برانچ پوچھ گچھ کر رہی ہے۔
حال ہی میں کرائم برانچ کی ٹیم کو اطلاع ملی تھی کہ اس قتل میں ملوث ناظم ایک سنبھل میں چھپا ہوا ہے۔
اس اطلاع پر کرائم برانچ کی ٹیم نے وہاں چھاپہ مارا اور اسے تحویل میں لے لیا۔
پولیس کا کہنا ہے کہ 'وہ ناظم کے کردار کی چھان بین کر رہے ہیں۔ اگر اس قتل میں اس کا کردار پایا گیا تو اسے گرفتار کرلیا جائے گا۔'
واضح رہے کہ 'انکت قتل کیس کی تفتیش کر رہی کرائم برانچ کی ایس آئی ٹی نے اب تک چھ ملزمان کو گرفتار کر لیا ہے۔'
پولیس نے پہلے سلمان کو گرفتار کیا۔ سلمان سے پوچھ گچھ کے بعد فیروز، جاوید، گلفام، شعیب اور انس کوگرفتار کرلیا گیا۔
