دراصل طالبہ نے مو بائل میں گیم کھیلنا شروع کیا تو وہ اتنا مصروف ہوگئی کہ وہ 17 دنوں تک مختلف ریاستوں میں گھومتی رہی۔
18 ویں دن دارالحکومت دہلی کے کملہ مارکیٹ علاقے میں ملی۔ ڈی سی پی مندیپ سنگھ رندھوا نے بتایا کہ گذشتہ 18 جولائی کی رات پولیس پیٹرولنگ کر رہی تھی تو اس دوران اجمیری گیٹ کے پاس انہوں نے دیکھا کہ ایک بچی اکیلے کھڑی تھی۔ تو انہوں نےبچی سے اکیلے کھڑے ہونے کے سلسلے میں پوچھا تو اس نے بتایا کہ وہ اپنے بھائی سے ملنے آئی ہے۔ پولیس کو اس کی باتوں پر شک ہوا تو انہوں نے بچی سے اس کے فیملی ممبر کا فون نمبر مانگا۔ جس کے بعد فیملی کو فون کیا تو معلوم ہوا کہ وہ 18 دنوں سے گھر چھوڑ کر غائب ہے۔
بچی نے بتایا کہ وہ گیم کھیلنے کے چکر میں گھر سے غائب ہوئی تھی۔بچی نے پولیس کو بتایا کہ وہ دسویں جماعت کی طالبہ ہے۔ ایک دن اپنی والدہ کے موبائل میں کوریائی 3 ڈی ڈرائیونگ گیم ٹیکسی ڈاؤن لوڈ کرکے کھیلنا شروع کیا۔ اسی گیم سے متاثر ہو کر گھر چھوڑ کر نکلی تھی۔
