نئی دہلی: لوک سبھا کے اسپیکر اوم برلا نے تمام سیاسی پارٹیوں سے پارلیمنٹ کے سرمائی اجلاس کو بحسن و خوبی چلانے میں تعاون کرنے کی اپیل کی ہے۔ اوم برلا نے بدھ کے روز شروع ہونے والے اجلاس سے پہلے منگل کے روز بزنس ایڈوائزری کمیٹی کی میٹنگ کی صدارت کی لوک سبھا اسپیکر نے ایوان زیریں میں موجود تمام جماعتوں کے قائدین سے اپیل کی کہ وہ ایوان کے کام کاج کو بحسن وخوبی چلانے میں تعاون کریں۔ تمام لیڈروں نے اسپیکر کو لوک سبھا کے کام کو بخوبی چلانے میں اپنے تعاون اور حمایت کا یقین دلایا۔ om birla seeks help from all Political parties
میٹنگ میں شریک دیگر لیڈروں میں پارلیمانی امور کے وزیر پرہلاد جوشی ، فوڈ پروسیسنگ انڈسٹری کے وزیر پشوپتی کمار پارس؛ پارلیمانی امور کی وزارت میں وزیرمملکت ارجن رام میگھوال اور وی مرلیدھرن ؛ کانگریس قائدین ادھیر رنجن چودھری، فاروق عبداللہ، ترنمول کانگریس کے سدیپ بندوپادھیائے، پی پی چودھری اور راجیو رنجن سنگھ عرف للن سنگھ شامل تھے۔
یہ بھی پڑھیں: Lok Sabha Speaker on Democracy جمہوریت اور جمہوری اقدار ہمارے طرز زندگی ہیں
یو این آئی
