شمالی دہلی میونسپل کارپوریشن کے کستوربا گاندھی اسپتال کا نرسنگ عملہ گذشتہ ایک ہفتہ سے تین ماہ کی تنخواہ اور یکمشت تنخواہ کی ادائیگی کا مطالبہ کر رہا ہے اور یہ مظاہرہ روزانہ دو گھنٹے کیا جا رہا ہے، 21 ستمبر یعنی آج سے ان کے ساتھ اسپتال کے گروپ سی اور گروپ ڈی کا عملہ بھی شامل ہوگا، ان کے علاوہ ہندو راو اسپتال کا عملہ بھی احتجاج میں حصہ لے رہا ہے۔
شمالی دہلی میونسپل کارپوریشن کے نرسنگ عملہ گذشتہ تین ماہ سے تنخواہ نہ ملنے پر اپنی ناراضگی کا اظہار کرنے اور یک مشت تنخواہ کا مطالبہ کرنے کے لئے 14 ستمبر سے روزانہ 2 گھنٹے احتجاج کر رہا ہے، لیکن نہ ہی ایم سی ڈی کی طرف سے اور نہ ہی حکومت کی جانب سے اس مسئلے کو حل کرنے کے لئے کوئی آگے آرہا ہے۔
شمالی دہلی میونسپل کارپوریشن کے تحت اسپتالوں اور ڈسپنسریز میں کام کرنے والے ڈاکٹرز اور نرسز کو گذشتہ تین ماہ سے تنخواہ نہیں دی جارہی ہے، دہلی میڈیکل ایسوسی ایشن نے بھی اس مسئلہ کو اٹھایا تھا، اس کے باوجود ڈاکٹرز اور نرسز کو تین ماہ کے بجائے صرف ایک ماہ کی تنخواہ دی گئی ہے۔
دہلی ہسپتال نرسز یونین کی جنرل سکریٹری منجو لتا کا کہنا ہے کہ پچھلے چار ماہ سے ہمیں تنخواہ نہیں دی جارہی ہے، لہذا مجبوری میں آکر ہمیں احتجاج کرنا پڑا، ہم 15 ستمبر سے ہر دن 2 گھنٹے اپنی تنخواہ کے مطالبے کے لئے احتجاج کر رہے ہیں لیکن انتظامیہ خاموش ہے۔
اس دوران منجو لتا نے حکومت سے اپیل کرتے ہوئے کہا کہ ان کی تین ماہ کی تنخواہ اور یک مشت تنخواہ کی ادائیگی میں تعاون کریں، ایسا نا ہو کہ ہمیں مجبوری میں کوئی ایسا قدم اٹھانا پڑے کہ ہمیں طبی خدمات کو روکنا پڑے۔
