قو دارالحکومت دہلی کے شمال مشرقی دہلی میں ہوئے تشدد زدہ علاقوں میں بچوں کے سکولوں کو سکیورٹی کے لحاظ سے دہلی انتظامیہ نے سات مارچ تک بند رکھنے کا فیصلہ کیا ہے، جبکہ 10 ویں اور 12 ویں کلاس کے بورڈ امتحانات دو مارچ سے جاری رہیں گے۔
ایجوکیشن ڈائریکٹوریٹ، دہلی حکومت نے ٹوئٹ کرکے یہ اطلاع دی ہے کہ دہلی کے شمال مشرق ضلع کے تمام سرکاری، غیر سرکاری امداد یافتہ اور نجی تسلیم شدہ سکول سات مارچ سنہ 2020 تک طالب علموں کے لیے بند رہیں گے۔
واضح رہے کہ ضلع کے سکولز کے لیے سالانہ امتحانات کی نئی تاریخوں کا اعلان جلد ہی کیاجائے گا۔
اس دوران سی بی ایس ای کے ذرائع کے حوالے سے کہا گیا ہے کہ 10 ویں اور 12 ویں کے امتحانات اپنے مقررہ پروگرام کے مطابق دو مارچ سے جاری رہیں گے۔
اطلاع کے مطابق مرکزی ثانوی تعلیمی بورڈ نے دریں اثنا دہلی ہائی کورٹ میں ایک حلف نامہ دائر کرکے درخواست کی ہے کہ بورڈ کے امتحانات پرسکون طور پر منعقد کرنے کے لیے حکومت کی جانب سے مناسب تحفظ فراہم کیا جائے۔
عدالت نے اس حلف نامے پر غور کرتے ہوئے دہلی حکومت اور دہلی پولیس کو ہدایت کی ہے کہ وہ امتحان کے لیے طالب علموں کی حفاظت کو یقینی بنائے اور کامیابی کے ساتھ امتحانات منعقد کرنے کے لیے مناسب قدم اٹھائے۔
