دہلی سے متصل نوئیڈا کے سیکٹر 22 میں بلاک کو خوبصورت بنانے کے نام پر انٹر نیٹ کے پول اور دیگر ذرائع ہٹائے جارہے تھے اسی دروران بہت سے بچے آن لائن امتحانات دے رہے تھے جن کے امتحانات متاثر ہوگئے۔
جیسے ہی سروسز میں رخنہ ہوا لوگ پریشان ہو گئے۔ بہرحال فوری علاقائی جے ای راجیو یادو سے رابطہ کر کے اسے رکوایا گیا اور بچوں کے امتحانات پورے کروائے گئے۔
سی بلاک کے رہائشی انیل بھاگی صبح 11.30 بجے سے پریشان تھے، کیونکہ ان کی بیٹی کا سالانہ امتحان انٹرنیٹ پر چل رہا تھا اور ان کے گھر کا نیٹ ورک کاٹا جارہا تھا۔
بیٹی تولانی (پونے) کے مرچنٹ نیوی کے انجینئرنگ کالج کی فسٹ ایئر انجینئرنگ کی طالبہ ہے۔
کووڈ کی وبا کی وجہ سے کالج اور ہاسٹل سب بند ہیں۔ کلاسز اور امتحانات سب آن لائن ہی چل رہے ہیں۔ ان کا امتحان بھی متاثر ہوا۔
