نوئیڈا و اطراف میں کورونا معاملے میں تشویشناک اضافے سے عوام میں خوف طاری ہے۔کورونا کی زد میں ضلعی عدالت کے ملازم بھی آگئے ہیں۔
ضلعی عدالت میں کام کرنے والے ایک محرر کورونا متاثر پایا گیا ہے، جس کے بعد ڈسٹرکٹ مجسٹریٹ اور چیف میڈیکل سپرنٹنڈنٹ گوتم بودھ نگر کے منظور کردہ پروٹوکول کے مطابق ضلع گوتم بودھ نگر کی ضلعی عدالت کو آج دوپہر کے بعد ملتوی کردیا گیا ہے۔ یہ حکم ڈسٹرکٹ جج گوتم بودھ نگر نے جاری کیا ہے۔
عدالت اور دفاتر 27 اور 28 جون کو بند رہیں گے۔ اس دوران عدالت کے احاطے میں سینٹائزیشن کا کام کرایا جائے گا۔
