آنند وہار ریلوے اسٹیشن پر فری میں ٹکٹ حاصل کرنے کا نیا طریقہ

وزیر اعظم نریندرمودی کی فٹ انڈیا موومنٹ سے متاثر ہوکر ریلوے نے آنند وہار ریلوے اسٹیشن پر ایک نئی شروعات کی ہے۔ اس کے تحت مسافروں سے اٹھک بیٹھک کرائے جا تے ہیں اور اس کے بدلے میں انہیں فری میں پلیٹ فارم ٹکٹ دی جاتی ہے۔

اگرچہ یہ اختیاری ہے، لیکن اس کے آغاز کے بعد سے، آنند وہار ریلوے اسٹیشن پر مسافر اس سہولت سے خوب فائدہ اٹھا رہے ہیں۔آنند وہار ریلوے اسٹیشن پر نصب اس مشین میں ، آپ کو 180 سیکنڈ میں 30 بار اٹھک بیٹھک کرنا ہوتا ہے۔

آنند وہار ریلوے اسٹیشن پر فری میں ٹکٹ حاصل کرنے کا نیا طریقہ

تکنیک کا استعمال کرتے ہوئے ، سامنے والی مشین آپ کو ہر اٹھک بیٹھ پر پوائنٹس دیتی ہے۔ 30 اٹھک بیٹھک مکمل کرنے کے بعد آپ کو مفت میں پلیٹ فارم ٹکٹ ملتا ہے، جس کے لئے عام طور پر آپ کو 10 روپے خرچ کرنے پڑتے ہیں۔

آئی آر ایس ڈی سی نے اس سہولت کا آغاز کیا ہے۔ یہ سہولت بھارتی ریلوے اسٹیشن ڈویلپمنٹ کارپوریشن یعنی آئی آر ایس ڈی سی نے اس کی شروع کی ہے۔

گزشتہ روز آئی آر ایس ڈی سی کے منیجنگ ڈائریکٹر ، ایس کے لوہیا نے خود یہاں اٹھک بیٹھک کی اور مسافروں کو دکھایا کہ وہ صرف 180 سیکنڈ دے کر 10 روپے بچا سکتے ہیں۔